ឡង់គ្រីស្ស័រស្លាកលេខខេមរភូមិន្ទបើកបុករបាំងថ្មទាំងព្រឹក
Thursday, August 23, 2007
រាជធានីភ្នំពេញ ៖ រថយន្តម៉ាកឡង់គ្រីស្ស័រពណ៌ប្រផេះមួយគ្រឿង ពាក់ស្លាកលេខខេមរភូមិន្ទ២.២០៩២៤ បានបើកបោះពួយបុកក្បាលរបាំងថ្មខណ្ឌចែកផ្លូវកាលពីវេលាម៉ោង១០ និង៣០នាទីព្រឹក ថ្ងៃទី២០ ខែសីហា នៅតាមមហាវិថីម៉ៅសេទុងត្រង់ស្តុបទួលគោក ក្នុងសង្កាត់ផ្សារដេប៉ូទី៣ ខណ្ឌទួលគោក បណ្តាលឱ្យក្បាលរបាំងថ្មបាក់បែកចេញចំនួន៣កង់ ។
ទោះបីជាយ៉ាងណា គ្រោះថ្នាក់ចរាចរណ៍នេះពុំបង្កឱ្យ មានមនុស្សរងគ្រោះថ្នាក់ឡើយ។ ទាក់ទិននឹងការបើកបុកក្បាលរបាំងថ្មនេះ ត្រូវប៉ូលិសឱ្យដឹងថា ដោយសារតែអ្នកបើករថយន្តឡង់គ្រីស្ស័រ នោះជាប់និយាយទូរស័ព្ទភ្លេចមើលផ្លូវក៏ជ្រុលចង្កូតតែម្តង ។ អ្នកបើកបររថយន្តបង្កនោះពុំត្រូវគេស្គាល់ ឈ្មោះឡើយ ហើយក្រោយពេលជួបគ្រោះថ្នាក់ត្រូវបានប៉ូលិសបញ្ជូនទៅកាន់ការិយាល័យចរាចរណ៍ជើង គោកដើម្បីដោះស្រាយសងការខូចខាត ។ តាមសាក្សីនៅកន្លែងកើតហេតុ បានប្រាប់ឱ្យដឹងថា រថយន្តឡង់ គ្រីស្ស័រខាងលើបើកបរតាមមហាវិថីម៉ៅសេទុងក្នុងទិសដៅពីត្បូងទៅជើង។ នៅពេលធ្វើដំណើរហួស ផ្សារសាមគ្គីបន្តិច គេឃើញរថយន្តឈប់ស្តុប បន្ទាប់មកក៏បានបើកបោះពួយទៅបុកក្បាលរបាំងថ្មខណ្ឌចែក ផ្លូវពេញទំហឹងបណ្តាលឱ្យក្បាលរបាំងថ្មបានបែកចេញ និងបាក់អស់៣កំណាត់ ។ បន្ទាប់ពីបើកបុករបាំងថ្ម បង្កការខូចខាត ប៉ូលិសចរាចរណ៍នៅក្បែរនោះបានទៅធ្វើចរាចរភ្លាមៗ និងបានឃាត់រថយន្តនាំយកទៅកាន់ ការិយាល័យដើម្បីដោះស្រាយសងការខូចខាត ។ តាមមន្ត្រីសមត្ថកិច្ចបានប្រាប់ឱ្យដឹងថា ការកើតមានគ្រោះថ្នាក់បើកបុករបាំងថ្មបង្កឱ្យខូចខាតនេះ ដោយសារ តែអ្នកបើកបររថយន្តជាប់រវល់និយាយទូរស័ព្ទភ្លេចមើលផ្លូវក៏ជ្រុលចង្កូតតែម្តង។
Source: ATKHMER taken from kohsantepheapdaily
